Free Jubaan..

Aao logo tumhe dikhayen jhaanki blog-baagaan ki
Barkha ne kaise khilli udaayi dekho free jubaan ki

November ka akhri saptaah, mumbai me aatank ka raaj tha
Shamshaan bana tha CST, aur terrorists ke kabze me Taaj tha
News channels ki commentary ka gair-jimmedaraana andaaz tha
Barkha dutt se janmaanas kuchh zyada hi naaraaz tha
Chyetanya Kunte ne bhi apni vyatha blog pe bayaan ki
Aao logo tumhe dikhaayen..
Barkha barsi Kunte pe, legal notice bhijwaya
blog entry hatwayi aur maafinaama likhwaaya
Random banda computer se kaise kuchh bhi likh paaya
Aaropo ke liye internet ka prayog awaanchhit batlaaya
(Ye to jaise infringement ho gayi news channels ke adhikar ki)
Aao logo tumhe dikhaayen..

Maana bande ne thoda excess hi likh daala tha
Par kahiin se bhi maanhani nahi kar daala tha
Allegedly ghotalebajo ko to media ne chor daaku bana dala tha
“Kya laalu ne chaara khaya?” aisa bhi keh daala tha
Auro ke haazme pe bharosa, par haalat gadbad khud ki intestine ki
Aao logo tumhe dikhaayen..

Kunte ke blog pe bloggers ne jab maafinaama tha dekha
Unka gussa foot pada aur barsana bhool gayii barkha
Mainstream media bhi chuup tha, koi nahi karta tha charcha
Gar kichad fenkte wo barkha par, thoda khud par bhi to girta
Har blogger bola, freedom of speech to hai har aam-o-khas insaan ki
Aao logo tumhe dikhayen..

Advertisements

~ by The Rest of Me on 05/02/09.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: